Ана холос! Роналду "Ньюкасл" ва "Ал Насср" ўртасида танлов қилади
23 nov 2022 07:45
News

Ана холос! Роналду "Ньюкасл" ва "Ал Насср" ўртасида танлов қилади

Португалиялик ҳужумчи Криштиану Роналду фаолиятини қаерда давом эттириши мумкинлиги ҳақида ўйламоқда.

Айни пайтда унда иккита асосий вариант бор: Англиянинг "Нюкасль" ва Саудия Арабистонининг "Ал Насср" клублари, деб ёзади "Марcа".

Эслатиб ўтамиз, ҳар икки клуб Саудия Арабистони валиаҳд шаҳзодаси Муҳаммад бин Салмон номи билан боғлиқ.

22 ноябрь куни "Манчестер Юнайтед" ва 37 ёшли ҳужумчи ўзаро келишувга кўра шартномани бекор қилди.

Британия матбуотига кўра, Роналду шу туфайли 16 миллион фунт стерлинг йўқотади.

Криштиану Роналду Қатардаги Жаҳон чемпионати бошланишидан олдин Британиянинг "The Sun" нашрига интервью бериб, амалдаги бош мураббий Эрик тен Ҳагни ҳурмат қилмаслигини айтди.

Португалиялик футболчи жорий мавсум "Манчестер Юнайтед" сафида барча мусобақаларда 16 та ўйинда майдонга тушиб, 3 та гол урди ва 2 та голли узатмани амалга оширди.

Link :

Source : The Sun

Receive latest football news directly on your phone. Subscribe for our Telegram channel!

Rating: +11