Алишер Усмонов "Virtus Pro"га 100 млн. доллар сармоя киритади

Бу ҳақида Cyber.Sports.ru нашриётига келиб тушган маълумотномада маълум қилинган.

"USM Holdings" директорлар кенгаши раиси Иван Стрешинскийнинг сўзларига кўра, киберспорт - спорт, медиа-бизнес ва интернетнинг чоррахасида жойлашган ноёб нарса. Стрешинскийнинг фикрича, "USM" киритган сармоя киберспорт ривожланишига катта хисса қўшади ва "Virtus Pro" лойиҳаларини янги даражага олиб чиқади.

"Асосий мақсадимиз - Россияда компютер спортини оммалаштириш ва "USM" сармояси бунга ёрдам беради. Биринчи навбатда бу пуллар турли ўйинлар бўйича янги турнирлар, медиа каналлар яратилиши ва уларни ёритилишига ишлатилади" - дейди "Virtus Pro" бошқарувчиларидан бири Антон Черепенников.

Антон Черепенников 2015 йилнинг августида Москвада киберспорт аренаси қуриш ниятида эканлигини айтган эди. Унинг деталларини сентябрда эълон қилмоқчи эди, аммо бу энди маълум бўлди.

"Virtus Pro" - энг кўп тақдирланган Россия киберспорт ташкилотларидан бири. Бу ташкилот 2003 йилдан бери мавжуд. Унинг таркибида Dota 2, Heroes of the Storm и Counter-Strike: Global Offensive ўйинлари бўйича жамоалар бор.

"USM Holdings" - халқаро компания. Бу компания металлургия ва тоғ қазилмалари, телекоммуникация, интернет ва медиа соҳасидаги акцияларга эгалик қилади. Унинг асосчиси Алишер Усмонов "Bloomberg"нинг 2012 сонига кўра Россиянинг энг бой кишиси деб топилган. Тадбиркорнинг бойлиги 20 млрд. долларга баҳоланмоқда.