Алишер Маҳмудов: “Мақсадимиз ғалаба қозониб, мухлисларни хурсанд қилиш”

Мазкур учрашув “лочинлар” учун муҳим аҳамиятга эга саналади. Шу сабабли “Навбаҳор” жамоаси ўйинга муносиб тарзда ҳозирлик кўришга интилишди. “Навбаҳор”нинг етакчи футболчиларидан бири Алишер Маҳмудов “Олмалиқ” билан ўтадиган ўйин олдидан ўз фикрлари билан ўртоқлашди: - Олдимизда жиддий ўйин турибди. Ўз майдонимизда бўлиб ўтадиган учрашувда ғалаба қозонишимиз шарт. Айнан шу сабабли “Олмалиқ” билан ўтадиган баҳсга муносиб тарзда тайёргарлик кўрдик. Олдимизда ғалаба қозониш ва мухлисларни хурсанд қилишни мақсад қилиб қўйганмиз. Ғузорда “Шўртан” билан ўтган ўйинда ғалаба қозона туриб сўнгги сонияларда мағлубиятга учраш роса алам қилганди. Ўтган вақт давомида ўша мағлубиятни унутган ҳолда машғулотларда қатнашдик.