Алексей Евстафеев: "Осиё чемпионати (U-22)га қайси жамоа боришини раҳбарият ҳал қилади"

Хабарингиз бор, бу мусобақа кейинги йилнинг январь ойида Уммонда бўлиб ўтади. Кўпчилик сайтимизга битта савол билан мурожаат қилмоқда: Ушбу турнирда биздан қайси ёшдаги жамоа иштирок этади: 1991 йилларда туғилган футболчиларми ёки 1993 йилда туғилган футболчиларми? 

Биз ушбу саволни Алексей Евстафеевга бердик:

"Турнир ўз номи билан 22 ёшгача бўлган футболчилар ўртасидаги Осиё чемпионати. Демак, қоидага кўра 1991-92 йилда туғилган футболчилардан иборат терма жамоамиз қатнашиши лозим. Аммо бизда ҳаммасини раҳбарият ҳал қилади. Шу боис мен бир нарса дея олмайман. Агар 1993-94 йилда туғилган футболчилардан иборат терма жамоамиз январь ойида МДҲ Кубогига борадиган бўлса, унда 1991-92ларнинг Осиё чемпионатига боришига тўғри келади. Шахсан мен учун Осиё биринчилиги МДҲ Кубогига нисбатан анча қизиқарли", - дейди Евстафеев.