Александр Хомяков: "Ўйин анча асабий кечди, аммо якунда иккинчи даврадаги илк ғалабамизга эришдик"

— Ўйин анча асабий руҳда ўтди. Ўйинда ҳудудий устунликка эга бўлдик, аммо вазиятлар кўп бўлди деб бўлмайди. Очко керак эди ва ғалабага эришдик. Бунинг учун йигитларга миннатдорчилик билдираман. Барчани ғалаба билан табриклайман.

— "Андижон" биринчи бўлимда яхши ҳаракат қилмади. Иккинчи бўлимда эса ғалаба учун ҳаракат қилди ва бу самарасини берди. Биринчи таймдаёқ бунга интилиш мумкин эмасмиди?

— Аммо, мен иккинчи бўлимда ҳам кўплаб ҳужумлар қилдик дея олмайман. Бизда фақат ҳудудий устунлик бор эди. Рақибни ҳам таъкидлаб ўтиш керак. Олдинги "Олимпик" кўпроқ узатмалар билан ўйнар, бошқача жамоа эди. Ҳозиргиси эса мудофаадан ўйнаган ҳолда қарши ҳужумлардан умид қилмоқда. Илк бўлимда уларнинг мудофаа чизиғини ёриб ўта олмадик. Арвеладзенинг жароҳати ва у захирага олинганидан сўнг ўйинимиз бузилди. Режамиз бор эди, аммо у амалга ошмади. Иккинчи бўлимда агрессивлик қўшдик ва қарши ҳужумлардан ҳушёр ўйнадик. Ҳа, якунда иккинчи даврадаги илк ғалабамизни қўлга киритдик.