Александр Хомяков: "Камида дурангга муносиб эдик"

"Жуда оғир ўйинда очко йўқотдик. Ушбу ўйинимиз билан камида дурангга муносиб эди. Иккинчи бўлимда яққол вазиятларни йўққа чиқариб очкосиз қолдик. Рақибимиз биринчи бўлимда босим уюштириб гол киритди ва бу ўйин тақдирини ҳал қилгандек кўринганди. Иккинчи бўлимда эса акси бўлди. Биз ҳисобни тенглаштиргандан сўнг футболчилар камида дуранг бўлди деб ўйлади ва охирги дақиқаларни бўш ўтказди. Шунга яраша рақибимиз бизни муносиб жазолади. Ўйин 90 дақиқадан сўнг ҳам давом этади. Охирги ҳуштак чалингунча ўйинда ҳисоб ўзгаради. Футбол шуниси билан қизиқ. Олдимизда жиддий учрашув турибди. Энди навбатдаги учрашув ҳақида ўйлаймиз" , - дейди Александр Хомяков