Latest news

09:43Испания терма жамоасининг бўлажак ўйинлар учун таркиби маълум  0 09:16"Манчестер Сити" ҳимоячиси учун курашга "Тоттенхэм" ҳам қўшилди  0 08:48Here we go! "Арсенал" яна бир трансферни якунлади  3 08:20Антонининг "Бетис"га трансфери барбод бўлди  4 07:42Испания терма жамоаси аъзоси АПЛнинг ўртамиёна клубига ўтди  0 07:15CAFA. Бугун Ўзбекистон МТЖ ўз юришини бошлайди  11 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  20 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  8 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  1 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  4 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   5

Александр Хомяков: "Жамоам дурангга муносиб эди" News

Александр Хомяков: "Жамоам дурангга муносиб эди"

Суперлиганинг 15-туридан ўрин олган "Машъал" - "Пахтакор" (0:1) учрашувидан сўнг муборакликлар бош мураббийи Александр Хомяков фикрлари билан ўртоқлашди.

"Бир сўз билан айтганда жамоам дурангга муносиб эди. Йигитлар бор кучларини сарфлашди. Вазиятлар яратишди. Афсуски, пенальтидан фойдалана олганимиз йўқ. Ўз ҳисобимизга бир очко бўлса ҳам қўшиб олишни чин дилдан истагандик. Футболчилар берилган режани аниқ бажаришди ва ўз ишларига яхши ёндошишди",- дейди Александр Хомяков.

- Иккинчи бўлимда "Машъал"да кўплаб қулай имкониятлар юзага келганига қарамасдан фойдалана олмади. Бу омадсизликми ёки футболчилардаги маҳоратнинг камлиги?

- Ўзингиз айтганингиздек вазиятлар бизда кўп бўлди, дея оламан. Фақатгина реализация етишмади. Ҳужум чизиғи вакиллари ёмон ўйнашгани йўқ. Қаердадир биз фойдаланишимиз шарт бўлган вазиятларни қўлдан бой бердик. Айрим ҳолатларда маҳорат камлик қилган бўлиши мумкин. "Насаф" билан баҳсда "Пахтакор" дарвоза тўсини голдан қутқарганди. Биз билан ҳам шундай ҳолат содир бўлди. Иккита учрашувда бир ҳил ҳолатлар рўй беряпти. Кўп куч сарфладик. Бироқ камлик қилди. 

- "Насаф" бош мураббийи Рўзиқул Бердиев ўйиндан сўнг "Пахтакор" мавсумдаги энг ёмон ўйинини ўтказганини айтганди. Улар ҳам худди бугунгидек иккинчи бўлимда яхши ҳаракат қилишганди. Сизнинг бу борадаги фикрингиз қандай?

- "Пахтакор" ўз услубидан келиб чиқиб бизга ўйин тизгинини ушлашга қўйиб бермади. Футболчиларга рақиб ўз ўйинини кўрсатишига йўл қўймаслигимизни айтгандим. Лекин ҳозир қайнаб турган мия билан мазкур мавзуда гапириш қийин. 

- Жамоада пенальтини амалга оширадиган аниқ бир футболчи танлаб олинганми?

- Бизда Ҳумоюн Муртазоев бор эди. Бугунги ўйиндаги вазиятда пенальтини ким тепиши борасида аниқ танлаб олинган футболчи йўқ эди, десам муболаға бўлмайди. Шаҳзод Шаймонов пенальтиларни яхши тепади. У амалга ошириши эҳтимоли мавжуд эди. Лекин Самуэль йигитларга ўзига ишоаётганлигини айтган. Натижада зарбани ушбу футболчи йўллади. Бор гап шу.


Rating: +2   

Comments

championat.asia
< show latest news
Яндекс.Метрика