Александр Хомяков: "Ҳисоб 4:0 бўлгач биз футбол ўйнашни тўхтатдик"
02 jun 2014 07:16
News

Александр Хомяков: "Ҳисоб 4:0 бўлгач биз футбол ўйнашни тўхтатдик"

"Бухоро" - "Машъал" (3:4) учрашувидан сўнг ташкил этилган матбуот анжуманида меҳмонлар устози Александр Хомяков қатнашди.

"Ғалабага умид қилгандик, ғалаба учун ҳаракат қилдик. Бугунги ғалаба билан шогирдларимни табриклайман. Бироқ ҳисоб 4:0га етгач биз футбол ўйнашни тўхтатдик. Шу орқали мезбон мухлисларига спектакль намойиш этиб бердик. Учрашув доим 90 ёки 93 дақиқа давом этишини айтиб келаман", - деб гап бошлади Хомяков.

"Бухоро" ҳимоячилари хатога йўл қўйишида бизнинг ҳужумчиларимизнинг ҳам таъсири бўлди. Бу жамоа ўйинини ўрганган эдик, "Бухоро" ўз мухлислари олдида фаол ўйнашини билардик.

"Тўғри ўз майдонимизда ҳали юта олмадик. Бироқ бунга бир нечта сабаблар бор. Муборакда кучли жамоаларга қарши ўйнадик, ўз уйимизда ҳужумкор ўйин намойиш этаяпмиз. Бунинг оқибатида бўш зоналар қолаяпти ва рақиблар гол уриб кетишмоқда. Сафарда эса ўйинимизни ҳимоядан ташкил этганимиз учун бизга осонроқ бўлмоқда. Умид қиламанки, бугунги учрашув биз учун ўтиш даври бўлади", - дейди Александр Хомяков.

Link :

Source : championat.asia

Receive latest football news directly on your phone. Subscribe for our Telegram channel!

Rating: