Александр Хомяков: "Чемпионни мағлуб этиш ўзгача ҳиссиётлар тақдим этади"

Александр Хомяков: "Жамоамиз ютса, шаҳар гуллаб-яшнайди, мағлуб бўлсак эса акси... Ҳаммани табриклайман. Мухлислар зўр қўллаб-қувватлашди, йигитлар бор кучини ишга солишди, омад биз томонда бўлди, посбонимиз бир нечта вазиятда жамоани қутқарди ва Рубиннинг фантастик голи..."

- 81-дақиқада учта ўзгариш бўлди ва бир неча дақиқа ўтиб ҳисоб очилди, шундай тактика тузганмидингиз?

- Йўқ. Ўйиндан олдин турли вазиятларда қайндай реакция қилишни ўйлаб кўрамиз. Баҳс охирида бироз чарчоқ сезилди, шу сабаб ўзгариш амалга оширдик. Зарур эди. "Навбаҳор" билан учрашувдаги каби ўйин охирида кучлироқ ҳаракат қилишни режа қилгандик.

- Хебай жамоада қоладими?

- Рубин Хебайнинг "Андижон" билан яна бир йиллик шартномаси бор. Келаси мавсум режалари ҳақида ўйламаяпмиз. Олдинда яна 4та баҳс бор. Асосий вазифамиз - иложи борича жадвалда юқори ўринни эгаллаш. Режалар бўйича раҳбарлар, ҳомиялар билан суҳбатлашишимиз керак. Келаси йил Андижонда клубнинг 60 йиллиги нишонланар экан.

- "Андижон" етакчилар учун "қўрқинчил туш"га айланяпти...

- Бундан жуда хурсандман. Чемпионни мағлуб этиш ўзгача ҳиссиётлар тақдим этади, келинг уни нишонлаймиз.