Latest news

06:34ЖЧ-2026 саралаши. БАА – Ўзбекистон 0:0, Орзулар ушалган ўйин  3 02:49Қозоғистон термаси матбуот котиби: "Ўзбекистонга кўчиб кетаман"  16 02:34Одил Ҳамробеков: "Бу билан тўхтаб қолишни истамаймиз"  3 02:16Равшан Эрматов: "Бу ғалаба ўз-ўзидан келиб қолмади"  12 01:55Миллатлар лигаси. 9та гол урилган ўйинда Испания Францияни қийинчилик билан мағлуб қилди ва финалга йўл олди   54 01:41Осиёда яна катта байрам: Иордания ўз тарихида илк бор ЖЧда иштирок этади  11 01:21ЖЧ-2026 саралаши. Бизнинг гуруҳдаги барча масала ҳал бўлди  16 01:13Тимур Кападзе: "Бу ғалаба ҳаммамизники"  12 00:59Сречко Катанец: “Мен жуда қисқа гапираман…”   41 00:46Аббосбек Файзуллаев: "Ҳиссиётларни тасвирлаб бера олмайман"  13 00:35Ўткир Юсупов: "Бугун ота-онамнинг дуосини олиб, дарвозам даҳлсизлигини сақлаб қолишни ният қилиб тушгандим"  16 00:13Жанни Инфантино Ўзбекистонни жаҳон чемпионати йўлланмаси билан табриклади  25 23:52Тимур Кападзе: "Биринчи навбатда муҳтарам Президентимиз ва халқимизни ғалаба билан табриклайман"  44 23:45ЖЧ-2026 саралаши. Саудия Арабистонининг тақдири сўнгги турга қолди  7 23:30Ўзбекистон Республикаси Президенти Шавкат Мирзиёев футболчиларни табриклади  41

Александр Хомяков: "Бугунги ўйинда ҳеч нарса ўхшамади, нима бўлганини тушуна олмаяпман" News

Александр Хомяков: "Бугунги ўйинда ҳеч нарса ўхшамади, нима бўлганини тушуна олмаяпман"

Суперлига 15-туридан ўрин олган "Бунёдкор" - "Андижон" учрашувидан сўнг (2:0) меҳмонлар бош мураббийи Александр Хомяков матбуот анжуманида иштирок этди.

- Ўйин ҳақида

-  Нима ҳам дейишим мумкин? Бизда кўп нарса ўхшамади. Рақиб эса ғалабага мос ўйин кўрсатди ва ғалаба қозонди. 

-  Бугун «Андижон»да биринчи даврадаги ўйинлар билан солиштирганда тажовузкорлик кўзга ташланмади. Сабаби нима билан болиқ?

-  Албатта, бу ерда нима бўлганини ўзим ҳам тушунмай қолдим. Балки бу руҳият билан боғлиқдир. Ҳимояда асабий ўйин кўрсатдик. Икки нафар марказий ҳимоячиларимиз ҳаводаги ҳужумларда рақибга ўйинни бой беришди, деб ўйлайман. Қарши ҳужумларда натижага эришишни режалаштиргандик. Қанотларда фаоллик кўрсатиши керак бўлган футболчиларимиз ҳам биз кутган ўйинни намойиш қила олмадилар. Голларни стандарт вазиятлардан ўтказиб юбордик. Жамоамиз кўнгилдагидек ўйин кўрсата олмади. Ҳужумларимиз ҳам самарасиз бўлди. Режалаштирилган футболимизни ўйнай олмадик. Юқорида айтганимдек, аввалги ўйинларга нисбатан солиштирганимизда ўзим ҳам бугун нима бўлганини тушуна олмаяпман. Ўйинимиз умуман қовушмади. Ҳозир бирор фикр билдиришим қийин. Ўйинни яхши ташкил қила олмадик. Бугунги учрашувда бизда ҳеч нима ўхшагани йўқ. Учрашувдан аввал йигитлар билан қандай ҳаракат қилишимиз кераклиги хусусида гаплашгандик, келишгандик. Лекин майдонда амалга ошмади. 

-  Танаффусда футболчиларга қандай кўрсатмалар бергандингиз? Қандай режалар бор эди? Чунки иккинчи бўлим бошидаёқ тезкор гол ўтказиб юбординглар.

-  Шу жиҳат алам қиладида. Танаффус чоғида етарлича кўрсатма ва маслаҳатлар бергандик. Рақибга ўйин бермасдан, тажовузкур ўйин намойиш қилишимиз керак эди. Ҳужумларни ташкил қилишда ҳам бир қатор режаларимиз бор эди. Лекин бу режалар ҳам ўхшамади. Айбни бирор-бир футболчига ағдара олмайман. Ҳозир мағлубият сабабларини таҳлил қилиб чиқиш зарур.

-  Захирадан майдонга тушганлар ўйинни қанчалик кучайтира олди ҳамда иккинчи даврада таклиф қилинган Вагиз Галиулин ва Любиша Петсел ҳақида нима дея оласиз?

-  Ўйинчилар ҳаракат қилишди, аммо натижа биз ўйлагандек бўлмади. Очиқчасига айтадиган бўлсак, ўзгаришларимиз ҳам етарлича натижа бермади. Захирадан майдонга тушганлар фаолроқ, бошқаларга ўрнак бўлиб ўйинни қўлга олишлари керак эди. Ҳа, фаол бўлишга интилишди, бироқ рақиб дарвозаси олдида хавфли вазиятлар ярата олмадик. Рақиб ҳам яхши ҳимояланди.

-  Охирги пайтларда Фарҳод Бекмуратов нега майдонга туширилмаяпти? 

-  Бошқа футболчиларга ҳам имконият беришга қарор қилгандик. Ким захирада қолади, ким асосий таркибда тушади, буни вазиятдан келиб чиқиб аниқлаймиз.



Rating: -3   

Comments

championat.asia
< show latest news
Яндекс.Метрика