Александр Хомяков: "Битта хато мағлубиятга олиб келди"

"Металлург" жамоасини ғалаба билан табриклайман. Ўйин олдиндан тахмин қилганимиздек курашларга бой бўлди. Бугун чиройли ўйин керак эмаслиги асосий эътибор натижага қаратилиши кераклигини айтгандим. Стандарт вақтидаги битта хато туфайли гол ўтказиб юбордик ва мағлуб бўлдик. Шундан кейин кўп ҳужум қилдик, дарвоза устунини нишонга олдик, аммо барибир ютқаздик. Рақибни табриклайман", - деб гап бошлади Хомяков.

"Ҳужумда бизга кескинлик етишмади. Қандайдир ёпиқ ўйнадик. Бундан ташқари ҳимояда хатога йўл қўйдик, аламли мағлубият. Футболда кўпинча қайсидир жамоа мағлуб бўлади, бугун биз ютқаздик. Ўйин битта голгача бўлишини тахмин қилгандим. Бугун омад рақиб томонида эди".

"Достоновни алмаштиришимга келсак у сариқ карточка олганди. Бундан ташқари ҳали энди олий лига ҳавосини татиб кўрмоқда. Шоҳруҳдан яхшироқ ўйин кутгандим. Ҳикмат Ҳошимовга кўпроқ ташвиш туғдиради деб ўйлагандим. Ҳакамларни муҳокама қилмоқчи эмасман. Бу борада алоҳида ташкилот бор", - дейди Александр Хомяков.


"Машъал" матбуот хизмати