Александр Хомяков: "Андижон"га олтита гол урамиз деб ўйламагандик"

"Бугун олтита гол урамиз деб ўйламагандим. Аммо ғалабага ишонгандик. Йигитларнинг профессионаллиги ва характерига раҳмат. Ўтган турдаги йирик мағлубиятдан сўнг дарҳол ўзларига келиб олишди. Рақибни яхши ўрганиб чиққандик. Қарши ҳужумларга тайёр эдик. Футболчиларим дастлаб гол ўтказиб юборган бўлсак ҳам чиройли ва ҳужумкор ўйин намойиш этиб Муборак халқига йирик ғалабани келтирди", - дейди Хомяков.

"Ўтган турдаги мағлубиятдан сўнг бизда ортга йўл йўқ эди. Шу боис йигитларим бор кучилари билан ўйнашди. Абдумўминовни олдинда турган қийин ўйинларга асрашга қарор қилдим. Зафар Тўраев икки ўйинда тушмаганди. Унга имкон бердим, у кутилган ўйинни кўрсатди. Зоҳир Қўзибоевни ҳисоб йирик бўлганидан сўнг алмаштирдим. Бугунги ғалабадан ҳаволаниб кетмаймиз ва "Пахтакор"га қарши тайёргарлик кўрамиз. Бироқ захира ўриндиғимиз узун эмас".

"Качур бизда йиғинда бўлиб "Навбаҳор"га ўтиб кетди. Ўтган турда тўртта гол урди, бундан хурсандман. Бироқ ҳар бир футболчининг ўз жамоаси бўлади. Биз ёзда камерунлик футболчини олиб қолишни кўзлаб Качурга рухсат бергандик", - дейди Александр Хомяков.