Александр Лобанов "Локомотив" мағлуб этилгач нималар деди?

- Бу икки кучли жамоа ўртасидаги кескин тўқнашув эди. Биз буни билардик ва шунга яраша ҳозирлик кўрдик. Ўйин жуда юқори суръатда ўтди. Беллашувда ғалаба биз учун жуда муҳим эди. Ютуқ бизга чемпионлик учун кичик имкониятни тақдим этарди. Якунда ғалаба қозонганимиздан жуда хурсандман.

Жамоани голлардан асраб қолганим? Дарвозабонлар ҳар бир учрашувда буни исташади. Қачондир бунга эришасан, бошқа пайтда эса йўқ. Бундай ўйинларда дастлабки вазиятга кўп нарса боғлиқ. Илк хавфли зарбани қайтарсанг, ишонч пайдо бўлади. Терма жамоага номзод икки дарвозабонлар ўйинини кўрдик. Игнатий жуда яхши ҳаракат қилди ва жамоасини қутқарди. Голда эса жамоа хатога йўл қўйди. Беллашув биринчи хатогача бораётганди.

Стадионда ажойиб муҳитни кўрдик. Муҳими, тўрт трибунадан учтаси "Пахтакор"га мухлислик қилгани бўлди. Улар бизни ажойиб қўллаб-қувватлашди. Ишқибозларнинг бир олқиши жамоага қўшимча куч бериб, янада фаол ўйнашга чорлади. Мухлислардан стадионга келишни сўраб қоламан. Улар билан футбол янада гўзаллашади, - дейди Лобанов.