Алаба ПСЖ президенти билан суҳбатлашди. Парижликлар ярим ҳимоя марказидан жой кафолатлашмоқда, "Реал" эса йўқ
02 mar 2021 11:32
News

Алаба ПСЖ президенти билан суҳбатлашди. Парижликлар ярим ҳимоя марказидан жой кафолатлашмоқда, "Реал" эса йўқ

Ҳимоячи Давид Алаба фаолиятини қаерда давом эттириши ҳамон ноаниқлигича қолмоқда.

Аввалроқ футболчи мавсум якунлангач "Бавария"ни тарк этишини эълон қилганди.

ПСЖ футболчига аниқ таклиф билан чиқиб улгурди. Шунингдек, Алаба анчадан буён ушбу футболчини Францияга олиб келмоқчи бўлиб юрган ПСЖ президенти Носир Ал-Хелайфи билан суҳбатлашди.

ПСЖ Алабага ярим ҳимоя марказида жой кафолатламоқда. Футболчига қизиқаётган яна бир клуб "Реал Мадрид" эса бундай вариант таклиф қила олмайди, сабаби ушбу нуқтада Каземиро, Тони Кроос ва бошқа бир қатор футболчилар мавжуд.

Ушбу мавсум Алаба "Бавария" сафида Бундеслиганинг 22 учрашувида майдонга тушди ва 2 та гол, 1 та ассист қайд этди.