"Ал-Жайиш" бош мураббийи истеъфога чиқарилди
16 jan 2014 12:46
News

"Ал-Жайиш" бош мураббийи истеъфога чиқарилди

Мухлисларга маълумки, Қаршининг "Насаф" жамоаси ОЧЛ-2014 плей-офф учрашувида Қатарнинг "Ал-Жайиш" жамоасига қарши майдонга тушади.

Аввал хабар бериб ўтганимиздек ушбу жамоанинг кейинги пайтларда умуман омади чопмаяпти, улар кетма-кет ўз майдонларида 2 марта, умуман эса 4 марта мағлубиятга учради. ҚЮЛнинг турнир жадвалининг 2-поғонасини банд этиб турган жамоа 3-поғонага тушиб қолди. Албатта бу ҳолат араб футболида кечирилмайди.

Кеча яъни 15 январь кечки пайт "Ал-Жайиш" спорт клуби раҳбарияти томонидан руминиялик мутахасис Разван Луческу истеъфога чиқарилгани ҳақида расмий хабар берилди. Бу истеъфо 14 январь куни "Лахвия" жамоасига қарши ўйинда жамоа 1:2 ҳисобида мағлубиятга учрагандан сўнг орадан 24 соат вақт ўтиб рўй берди.

Жамоага мавсум сўнгигача маҳаллий мутахасис Адам Юсуф мураббийлик қиладиган бўлди. Шунингдек раҳбарият томонидан руминиялик мутахасисга клубда кўрсатган фаолияти учун ташаккур ҳам билдирилган.

Адам Юсуф жамоани келаётган шанба яъни18 январь куни бўладиган ҚЮЛ 16-тури "Умм Салал"га қарши майдонга олиб тушади.

Link :

Source : voha.uz

Receive latest football news directly on your phone. Subscribe for our Telegram channel!

Rating: