"Ал Иттиҳод" легионерларидан бири билан муддатидан илгари хайрлашишга қарор қилди
14 feb 13:00
News

"Ал Иттиҳод" легионерларидан бири билан муддатидан илгари хайрлашишга қарор қилди

2021 йил июлидан буён "Ал Иттиҳод" шарафини ҳимоя қилиб келган Игор Коронадо жамоа билан хайрлашди.

Клубнинг расмий саҳифаларида жамоа аъзолари Коронадо билан қандай хайрлашгани акс этган суратлар чоп этилди. Футболчининг шартномаси 2025 йил июнига қадар мўлжалланганлигига қарамай, томонлар ҳамкорликни тўхтатишга қарор қилишган. Бунинг сабаб ва тафсилотлари ҳозирча номаълум.

Ушбу мавсум Коронадо Саудия Арабистони чемпионатининг 15 ўйинида майдонга тушиб, 5 та гол урган ва 7 та ассист қайд этганди.

"Transfermarkt" футболчи трансфер нархини 5,5 миллион еврога баҳоламоқда.