"Ал Аҳли" бош мураббийи: "Ҳужум устида кўпроқ ишлашимиз керак"

Маълумки, "Ал Аҳли" ОЧЛ плей-офф босқичида Тожикистоннинг "Истиқлол" клубини 1:0 ҳисобида мағлуб этиб гуруҳ ўйинларига йўлланма олди. 

Натижада сайт ходимлари таниқли мураббийдан интервью олишди. 

- "Биз гуруҳга чиққанимиздан жуда хурсандмиз. Шогирдларим ғалаба учун бор кучни ишга солишди. "Истиқлол" анча мустаҳкам ҳимояланди ва уларнинг ҳимоясини ёриб ўтиш осон бўлмади". 

- "Бу ўйинда баъзи хатолар кўринди. Энг асосийси вазиятлардан фойдалана олмаслик. Гуруҳ баҳсларида ҳужум устида янада кўпроқ ишлашга ҳаракат қиламиз. Энг катта ютуғимиз деб гол ўтказмаганимизни айта оламан, чунки охирги икки ойдан бери гол ўтказиб келаётгандик", - дейди швейцариялик мураббий. 

Эслатиб ўтамиз, "Ал Аҳли" гуруҳ ўйинларини "Ал Ваҳда" (БАА), "Ал Шорта" (Ироқ) ва "Истиқлол" (Эрон)га қарши ўтказади.