Акмал Холматов "Локо"ни тарк этди?!
18 dec 2013 08:33
News

Акмал Холматов "Локо"ни тарк этди?!

Трансфер ойнасида шов-шувли харидларни амалга ошираётган "Локомотив" сафини Акмал Холматов тарк этгани хақида маълумотлар бор.

Тасдиқланмаган хабарларга кўра, Холматов куни кеча "Локо" лагерини тарк этган. Футболчига айни пайтда мамлакат чемпиони "Бунёдкор"дан таклиф тушган. 38 ёшли футболчи кеча "қалдирғочлар" қароргоҳига бориб, майдон четида машғулотларни кузатгани тўғрисида маълумот бор.

Айтиш керакки, футболчи бу йил темирйўлчилар сафида энг яхшилардан бири бўлди. 26 ўйинда (2129 дақиқа) иштирок этиш билан бирга рақиблар дарвозасига 10та гол уришни уддалади.

Агарда Холматов ҳақиқатдан ҳам "Бунёдкор"га кўчиб ўтса, ўзига хос рокировкага гувоҳ бўламиз. Чунки қалдирғочларнинг чап қанот ярим ҳимоячиси Жасур Ҳасанов яқинда айнан "Локомотив"га кўчиб ўтди.

Воқеалар ривожини кузатамиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: