Акинфеев ЦСКА сафида 600-учрашувини ўтказди
18 may 2019 21:25
News

Акинфеев ЦСКА сафида 600-учрашувини ўтказди

Россия чемпионатининг 29-турида ЦСКА ўз майдонида Грознийнинг "Ахмат" клубини қабул қилди.

Ўйинни асосий таркибда бошлаган ЦСКА сардори Игор Акинфеев "ҳарбийлар" либосида 600-ўйинини ўтказди. Натижада, Акинфеев ЦСКА сафида энг кўп ўйин ўтказган ва олти юзлик довонни биринчи бўлиб забт этган футболчи сифатида клуб тарихидан жой олди.

33 ёшли дарвозабон ЦСКА тарбияланувчиси ҳисобланади ва 2002 йилдан бери ушбу клубда профессионал фаолиятини давом эттириб келмоқда.

Қайд этиш керак, Акинфеев ўтган 17 йил мобайнида 6 мартадан Россия чемпиони, Кубок соҳиби ва 7 карра Россия суперкубогига эга чиққан. 2004-2005 йилги мавсумда УЕФА кубогида ғалаба қозонган.