Акбар Усмонов: "АГМК билан ўйинда омадимиз келмади"

 Хўш, ортда қолган турдан “темирйўлчилар” етакчиси Акбар Усмонов қандай фикрда? Буни футболчи билан суҳбат давомида билиб оламиз. 

“Биласиз, 4-тур марказий ўйин билан бошланди. Ўйлашимча, мазкур тур баҳслари мухлисларга ажойиб ўйинларни тақдим қилиб берди. Умуман олганда, мағлуб бўлмас жамоанинг ўзи йўқ (кулади). Бу – футбол. АГМК билан ўйинда яратилган вазиятларимиздан фойдалана олмаганимиз мағлубиятимизга сабаб бўлди. Қолаверса, рақиб ҳам ўзига яраша кучга эга бўлган жамоа. Назаримда, шу кунги баҳсда бизнинг омадимиз келмади. Менимча, чемпионлик учта жамоа ўртасида кечади. Шуни аниқ айта оламанки, сўнгги турга қадар барчаси қизиқ ўтиши аниқ. Чемпионлик пойгаси узоқ давом этади ва барчасини якунда кўрамиз”, - дея сўзини якунлади Усмонов.