Latest news

08:40Бухорога Суперлига ўйинларини қайтариш ҳаракати бошланди  0 08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  47 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8

"Аждарлар"нинг янги ўйинчиси Марко Станоевич "Насаф" мухлислари, жамоага қандай келиб қолгани ва коронавирус ҳақида News

"Аждарлар"нинг янги ўйинчиси Марко Станоевич "Насаф" мухлислари, жамоага қандай келиб қолгани ва коронавирус ҳақида

"Насаф"нинг сербиялик янги ўйинчиси Марко Станоевич билан суҳбатлашдик.

- Салом Марко. Биламизки, сиз "Црвена Звезда" клуби тарбияланувчисисиз. Дастлаб, Сербиянинг ушбу машҳур жамоаси ҳақида гапирсангиз?

- "Црвена Звезда" Сербиянинг энг катта клубидир ва шу билан бирга тарихда энг кўп соврин ютгани ҳам.

Ўтган икки йил мобайнида улар Чемпионлар Лигасининг доимий иштирокчисига айланишди, бу эса уларнинг даражасидан далолат беради. Мен бу клуб академиясида 13 ёшимдан 19 ёшимгача тўп тепганман ва у ерда кўп нарсаларни ўрганганман.


- Ўзбекистонга келишингиздан аввал бу ерда ўйнаган сербиялик футболчилар ҳақида билармидингиз?

- Бу ерда ўйнаб кетган бир неча футболчиларни билардим. Ҳозир эса Ўзбекистонда ўйнаётган барчасини биламан. Драган Черан менинг энг яқин дўстларимдан биридир ва шу сабабдан бу ердаги футболдан хабардорман.


- "Насаф"га келишингиз қандай рўй берди?

- Дўстим Драган Черан мени "Насаф" мураббийига тавсия қилган ва мен бундан жуда ҳам миннатдорман.



- "Насаф" ва Ўзбекистондаги илк таассуротларингиз қандай?

- Мен келишимдан олдин ҳам "Насаф" ҳақида кўп нарсани эшитгандим. Ўз уйимизда ўтказилган илк ўйинда ва мухлисларимиз кўз ўнгида ўтган учрашув қанақадир менда катта таассурот қолдирди.


- Ўзбекистон Суперлигаси ҳақида нима дея оласиз ёки буни айтишга анча эртами?

- Ҳали лига ҳақида айтишга анча эрта, аммо менинг илк таассуротларим ижобийдан ҳам кўпроқ.


- Мослашув жараёни, мураббийлар ва янги жамоадошларингиз ҳақида нима дея оласиз?

- Мен рус тилида гапираман ва бу менга жуда қўл келади. Биринчи кундан бошлаб мураббийлар ва ўйинчилар меҳрибон ва дўстона муносабатда бўлишди. Ҳудди "Насаф" билан абадий бўлгандайман ва ўзимни узоқ вақтдан бери ушбу жамоанинг аъзоси сифатида ҳис қиляпман.



- Афсуски, коронавирус туфайли футбол ўйинлари тўхтаб қолган, ҳозир нималар билан шуғулланяпсиз?

- Афсуски... Умид қиламанки, ҳаммаси тез орада изига тушиб кетади. Ҳозир эса ўз вақтимни Қаршида, оиламга, уйдаги машғулотларга сарфлаяпман ва ҳаммаси яхши бўлишига умид қиляпман.


- Сиз учун Сербия тарихидаги энг кучли уч футболчи ким?

- Бу осон савол эмас. Жуда кўп ўйинчилар топ жамоаларда ҳаракат қилишади. Неманья Видич, Деян Станкович ва Неманья Матич.


Алишер Остонов суҳбатлашди.

Rating: +29   

Comments

championat.asia
< show latest news
Яндекс.Метрика