Агент: "Клопп ва "Бавария" бир-бирига мос тушган бўларди"
28 mar 2018 21:06
News

Агент: "Клопп ва "Бавария" бир-бирига мос тушган бўларди"

"Ливерпуль" бош мураббийи Юрген Клоппнинг агенти Марк Косицке мижозининг "Бавария"ни бошқариши мумкинлиги борасида гапирди.

"Дунёдаги бирорта мураббий клубдан юқори даражада турмайди. Клуб ҳар доим муҳимроқ. Юрген ҳам "Бавария"дан юқори эмас, "Бавария" эса Клопп учун жуда оғир иш эмас. У Мюнхенда ҳам яхши ишлай олиши мумкин.

"Бавария" ва Клопп бир-бирига мос тушган бўларди, бироқ айни дамда бу вариант муҳокама қилинмайди. Албатта, Европанинг энг кучли жамоаларидан бирини бошқариш осон иш эмас, жавобгарлик юқори бўлади.

Ҳа, "Бавария" янги мураббий изламоқда, Юргенда "Ливерпуль" билан узоқ муддатли шартнома бор. Айни дамда у ишлаш учун бошқа жамоа изламаяпти", - деди Косицке.