"Афсонавий-Кўкдала" - Қашқадарё вилоят Кубоги соҳиби (ФОТО)

Қарши шаҳрида “Насаф” ПФК қошидаги “Насаф” футбол мактаби сунъий қопламали майдонида бўлиб ўтган учрашувда кўкдалалик футболчилар рақибни йирик 3:0 ҳисобида мағлубиятга учратишди. 

Шу тариқа “Афсонавий-Кўкдала” жамоаси 2017 йилги Қашқадарё вилоят Кубоги соҳибига айланди. Учрашувдан сўнг ғолиб жамоа мураббийи Акмал Муқимов ўз фикрлари билан ўртоқлашди:

- "Бугунги финал қизиқарли кечди, йигитларимиз ўйин охиригача майдоннинг ҳар бир қарич ерида кураш олиб боришди ва ҳақли равишда ғалаба қозонишди. Бу тарихий ютуғимизга ўзларининг беминнат меҳнатини аямаган Чироқчи туман ҳокими Рустам Азимов, туман ҳокими биринчи ўринбосари Муртоз Турдиев, Кўкдала ҚФЙ раиси Умар Жулбулов, жамоа директори Воҳид Жўраев, ҚФЙ фаоли Қаҳрамон Казаков ва БЎСМ-2 директори Нурулла Тўлагановларга ўз миннатдорчилигимизни билдирамиз".

Фахриддин Чориев.