Абрахам: "Англияга қайтишга шошилмаяпман"

Англия терма жамоасининг 24 ёшли ҳужумчиси Тэмми Абрахам Англия Премьер-лигасига қайтиш эҳтимолини баҳолади.

"Рома"га келганимда биринчи кунданоқ ўзимни уйдагидек қулай ҳис қилдим. Премьер-лигага қайтишга шошилмаяпман, чунки бу ерда ўз ўйин услубимни кўрсатиб бериш мен учун анча осон.

Италияда мени қаттиқ ҳурмат қилишади. Ишонинг, мен ҳозир келажак ҳақида гапирмаяпман, фақат ҳозирги кун ҳақида ўйламоқдаман. Фақат яқинлашиб келаётган мавсум ҳақида бош қотиряпман, чунки мен унда аввалгисидан ҳам муваффақиятлироқ ўйнашни хоҳлайман", – деди Абрахам.

Англиялик футболчи 2021/2022 йилги мавсум бошланишидан олдин "Челси"дан "Рома"га 40 миллион евро эвазига ўтган эди. "Челси" Абрахамни 80 миллион еврога қайтариб сотиб олиш имкониятига эга.