Абдухолиқов ва Зейтуллаев жамоалари ғолиб бўла олмади

Ҳамюртимиз Темурхўжа Абдухолиқов тўп тепаётган "Хайдук" клуби сафарда "Истра 1961" билан 1:1 ҳисобида дуранг ўйнади.

Учрашувда Абдухолиқов майдонга тушмади. "Хайдук" 51 очко билан мусобақа жадвалининг 2-поғонасида бормоқда. Клуб кейинги ўйинни 16 март куни "Осиек"ка қарши сафарда ўтказади.

"Истра 1961" - "Хайдук" 1:1
Голлар: Хайович 41 - Маглица 6.


Бундан ташқари Хорватиянинг иккинчи дивизионида 20-тур баҳслари бўлиб ўтди. Ҳамюртимиз Илёс Зейтуллаев фаолият олиб бораётган "НК Горица" клуби сафарда "НК Дугополье"га имкониятни бой бериб қўйди - 1:2. Зейтуллаев бу учрашувда иштирок этмади. Клуб айни пайтда 30 очко билан 4-поғонада бормоқда. "Горица" кейинги баҳсни 15 март куни "Загреб"га қарши ўтказади.

"НК Дугополье" - "НК Горица" 2:1
Голлар: Йелич 25, Киш 26 - Йеркович 34.