Абдувоҳид Неъматов: "Мусобақани ажойиб тарзда бошлаб олдик"

"Мусобақани ажойиб тарзда бошлаб олдик. Ғалабали серияни давом эттиришга ҳаракат қиламиз. Олтин медалларни қўлга киритиш бизнинг асосий мақсадимиз. Қатар катта мусобақалар ўтказиш учун ажойиб мамлакат. Инфратузилма ва шароит бўйича ҳаммаси юқори даражада. Ушбу мусобақада янги тарих яратишни мақсад қилганмиз. Таркибимиз ҳам анча кучли, ҳар бир позицияда рақобат бор. Дарвозабонлар ўртасида ҳам рақобат кучли, бироқ катта рақобат бўлишига қарамай барчамиз дўстмиз. Терма жамоадаги ички муҳит ажойиб. Биз бир оиламиз ва бизнинг мақсадимиз бир" - дея фикр билдирди олимпия терма жамоамиз дарвозабони Абдувоҳид Неъматов