Абдусамад Дўрмонов: “Плей-оффда менимча “Сўғдиёна” ғолиб чиқади”

Унда олий лиганинг 15-ўриндаги жамоаси “Сўғдиёна” билан биринчи лигада 2-ўринни банд этган “Оқ-тепа” куч синашади. Бўлажак баҳс олдидан таниқли мутахассис Абдусамад Дўрмоновга мурожаат қилган холда фикрларини билишга қизиқдик.

- Ҳар икки жамоа учун ғалаба илинжида майдонга тушиши аниқ. “Сўғдиёна” сўнгги йилларда элитада иштирок этиб келмоқда. Уларда рақибга нисбатан тажриба катта. Шунинг эвазига ҳам жиззахликлар катта эхтимол билан ғалаба қозонади деб ўйлайман.  

- Бу кўпроқ руҳий холатга ҳам боғлиқдир. Сабаби “Бухоро”дан ўз уйида учралган аламли мағлубиятдан сўнг истайсизми йўқми йигитларда руҳий “синиш” бўлади. Бош мураббий Даврон Файзиев бу томондан жамоасини қай тариқа тайёрлай олганини ўйин кўрсатади.

- “Оқ-тепа”га келадиган бўлсак, уларда ўйинга қадар пухта тайёргарлик кўриш учун етарлича вақт бўлди. Жамоа сафида илгари олий лигада ўйнаган футболчилар бўлсада, уларнинг вақти ўтган менимча. Таркибдаги кўп йигитлар ёшларни ташкил этади. Лекин тажриба қўл келиши ҳам мумкин. Боз устига жамоа олдига кучлилар сафига чиқиш вазифаси қўйилган. Астойдил ўйнаши турган гап.

- Фикримча жиззахликларнинг имконияти юқори. Қолганини вақт кўрсатади.

Исломбек Рустамбеков суҳбатлашди.