Latest news

22:33Тебас: "Реал" раҳбарияти ўзидан қурбон ясаб олиб, хар ҳил фитна назарияларини тарқатмоқда"  6 22:08Гвардиола де Брюйнени "Сити"даги келажаги ҳақида гапирди  3 21:46Амирбек Бакаев Беларуснинг бошқа бир клубига ўтди  5 21:15"Машъал" ганалик ҳимоячини ўз сафига қўшиб олди  2 20:48"Навбаҳор" беш нафар футболчиси билан шартномани узайтирди  1 20:27Доменико кетди, Тибо қайтмоқда  0 20:02Элдор Шомуродов – А Серия 26-тур рамзий терма жамоасига киритилди  8 19:42Федерико Вальверде жароҳат туфайли кубок ярим финалида майдонга туша олмайди  2 19:10"Аҳмоқона тақвимни инобатга олсак, ишларимиз жуда яхши кетмоқда"  9 18:45"Манчестер Сити" ёзда МЮ қизиққан дарвозабонни сотиб олмоқчи  2 18:17Гвардиола Абдуқодир Ҳусановни мақтади  26 17:48"Милан" ЕЧЛга чиқа олмаса, етакчилар клубни тарк этади   3 16:58Расман: Френсис Нарх ва Достонбек Турсунов "Хоразм" сафига қўшилди!  9 16:33"ЦСКАнинг янги базаси — Европа стандартлари аналоги"  1 16:07ЎФА "Навбаҳор"дан трансфер тақиқини олиб ташлади. Клуб қарзларини 29 мартгача ёпмаса ОФК лицензиясини ололмайди  8

Абдусамад Дўрмонов: “Бу йил олий лигага тўғридан-тўғри “Обод” чиқса керак” News

Абдусамад Дўрмонов: “Бу йил олий лигага тўғридан-тўғри “Обод” чиқса керак”

Биринчи лига ўйинларининг ҳам поёнига етишига иккита тур ўйинлари қолди. Аниқроғи 7 ноябрь куни барча масалага ойдинлик киритилади.

Мухлисларга яхши маълумки бу йил 1-ўринни эгаллаган жамоа тўғридан-тўғри элитага йўл олади. 2-ўрин соҳиби эса регламентга кўра олий лиганинг 15-ўриндаги жамоаси билан плей-офф баҳсида майдонга тушади. Айни дамда биринчи лиганинг иккита клуби 1-ўрин учун жиддий курашмоқда. “Оқ-тепа” ва “Обод” ўртасидаги очколар фарқи 1тани ташкил этмоқда. Хўш, 1-ўринга бўлган имконият кимда юқорироқ? Шу ва бошқа саволларга жавоб олиш мақсадида ўз вақтида биринчи лигада фаолият юритган Абдусамад Дўрмонов билан суҳбатлашдик.

- Абдусамад ака, биринчи лига ўйинлари ҳам ҳадемай поёнига етади. Нима деб ўйлайсиз, 1-ўрин қайси жамоага насиб этаркин?
- Аввало биринчи лигада ҳам ҳудди олий лигадаги каби интрига авж олгани ижобий хол эканлигини таъкидлаб ўтган бўлардим. Ҳақиқатдан ҳам 1-ўрин эгаси катта эхтимол билан сўнгги турда аниқ бўлади. “Оқ-тепа” ва “Обод” ўзи иштирок этаётган чемпионатнинг ҳақиқий топ клубларидир. Шароит ва таркиб жиҳатдан улар бошқалардан бир поғона устундир. Саволингизнинг асосий қисмига келадиган бўлсак, менимча “Обод” бу йил олий лигага тўғридан-тўғри йўл олса керак. Унинг қолган икки рақиби бу – “Хотира-79” билан “Косонсой”дир. “Оқ-тепа” эса “Машъал-2”ни қабул қилиб, сўнгра “Хоразм” майдонига сафар уюштиради. Урганчликлар ҳам яхши жамоа. Улар ҳам бежизга 4-ўринда бораётганини исботлаш учун сўнгги турда жиддий қаршилик кўрсатади деб ўйлайман. Яна ким билади дейсиз. Бу – футбол. Унда ҳамма нарса бўлиши мумкин.

- Пойтахтнинг ушбу икки клубини жорий мавсум кузатдингизми? Ўйин борасида улар қандай?
- Йўқ, унчалик кўп ҳам кузатиш имкони бўлмади. “Ёзёвон-Лочинлари” жамоасини бошқараётганимда ўз майдонимизда “Оқ-тепа” билан ўйинда кўргандим бу жамоани. “Обод” билан эса қишда синов-назорат баҳсида майдонга тушгандик. Ўшандаёқ билгандим уларнинг жамоавий ўйини яхши шаклланганлигини.

- Агарда “Оқ-тепа” сиз айтгандек 2-ўринни эгалласа улар кейин олий лиганинг 15-ўриндаги жамоаси билан плей-офф баҳсида иштирок этади. Бу борада уларнинг имконияти қандай деб ўйлайсиз?
- Элита билан биринчи лиганинг фарқи бор. Тўғри, “Оқ-тепа” таркибида ҳам илгари бир неча йил олий лигада ўйнаган йигитлар жамланишган. Аммо бугунги кунда олий лига клублари барибир кучлироқ.

- Умуман олганда бу йилги биринчи лига чемпионати ҳақида фикрингиз қандай?
- Бу ерда ҳам 4та клуб жиддий курашмоқда. Юқорида номлари келтириб ўтилган Тошкент клубларидан ташқари “УзДонгЖу”, “Хоразм” ва “НБУ-Осиё” ҳам яхши жамоалардир. Шунингдек “Зомин” ҳам. “Банкирлар”нинг олдига элитага чиқиш вазифаси қўйилмаган бўлсада, улар доим етакчиларга жиддий қаршилик кўрсатиб келади. Қолган клубларнинг савияси деярли бир хил дейиш мумкин.

- Собиқ жамоангиз “Ёзёвон-Лочинлари”нинг ўйинларини кузатиб боряпсизми?
- Деярли йўқ. Биргина “Машъал-2”га қаши ўтказган баҳсига бориб кўриб келдим. Жамоа дебютант саналади. Йигитлар иккинчи босқичда янада ўсишга эришди деб ўйлайман. Биринчи мавсумидаёқ 8-ўринни эгаллаш менимча ёмон натижа бўлмаса керак. Мавсум бошида бир қатор муаммолар юзага келганди. Эндиликда эса ҳаммаси изига тушиб бораётир. Нима бўлганда ҳам бу жамоага омад тилайман.

- Айни дам ўзингиз қандай юмушлар билан бандсиз?
- Уйдаман. Дам оляпман. Яширишни кераги йўқ, таклифлар бўлишини кутяпман. Қайсидир жамоа хизматимга эхтиёж сезса, ёрдам беришга тайёрман. Мураббийнинг қисмати шу эканда, бугун кимгадир кераксан, эртага эса аксинча.


Исломбек Рустамбеков суҳбатлашди.

Rating:    

Comments

championat.asia
< show latest news
Яндекс.Метрика