⚡️Абдуқодир Ҳусанов "Instagram"да "Энергетик-БГУ" билан хайрлашди

Футболчи "Instagram"даги саҳифасида клуб ва унинг мухлислари билан хайрлашди. 

"Энергетик" клубининг ҳурматли ходимлари, мухлислари ва унга алоқадор барча-барчага 

"Мен, Минскда ўтказган даврим учун барчангизга раҳмат дейман. Сизнинг қўллаб-қувватлашингиз сабаб мен ҳам футболчи, ҳам инсон сифатида ўсишга эришдим — янги чақирувларга тайёр бўлдим. Мана шундай чақирувлардан бири олдимда турибди. 

"Энергетик" клубига мен кўпчилик танимайдиган, ўзбекистонлик ёш футболчи сифатида келгандим. Бу ердан эса ёшлар ўртасидаги Осиё Чемпионати ғолиби, U-20 Жаҳон чемпионати иштирокчиси ҳамда миллий терма жамоа аъзоси сифатида кетяпман. 

Бунда мен билан елкама-елка турган, турли вазиятларда менга ёрдам берган ва кундан-кун ўсиб боришимга имкон яратиб берган барчанинг хиссаси бор.

Жамоадошларим ва "Энергетик-БГУ" мураббийлар штабига раҳмат. Профессионал жиҳатдан ўсишимда муҳим роль ўйнаган Юревич Анатолий Ивановичга алоҳида ташаккур изҳор қиламан.  

"Энергетик" менга катта футбол учун йўл очиб берди ва шу сабабли клуб юрагимдан алоҳида ўрин олади. 

Барчангизга катта раҳмат! Абдуқодир Ҳусанов.