Абдуқаҳҳор Маъруфалиев: “Бунёдкор”га қарши ўйин осон бўлмайди"
29 jul 2016 16:16
News

Абдуқаҳҳор Маъруфалиев: “Бунёдкор”га қарши ўйин осон бўлмайди"

Ўзбекистон кубогининг “Бунёдкор” – “Металлург” жамоалари ўртасидаги чорак финал дастлабки ўйинидан олдин бекободликлар устози Абдуқаҳҳор Маъруфалиев ўз фикрларини билдирди.

- “Бунёдкор” мамлакатимизнинг энг кучли жамоаларидан бири. Бу жамоа бу йилги мавсумни жуда кўтаринки кайфиятда ўтказаяпти. Жамоада иқтидорли ёш ўйинчилар жамланишган. Улар ҳамиша ғалаба иштиёқида майдонга чиқишади. Шу маънода Ўзбекистон кубогининг чорак финалидаги тўқнашувимиз биз учун осон кечмайди. Чемпионатнинг биринчи даврасида “қалдирғочлар” билан ўз уйимизда дуранг ўйнагандик. Лекин, битта мавсумда “Бунёдкор” билан кетма кет учрашувларда муваффақиятли ўйнаш, ижобий натижага эришиш учун “бошдан баланд сакраш” лозим. Аммо биз ҳам қараб турмаймиз. Кубок ўйинида жамоаларнинг имкониятлари ҳамиша тенг баҳоланади. Шундай экан, “Металлург” бугун ишқибозлар учун чиройли футбол намойиш этади, дейди Абдуқаҳҳор Маъруфалиев.

"Металлург" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +1