Абдумавлон Абдужалилов: "Характер кўрсатдик"
23 aug 2022 11:44
News

Абдумавлон Абдужалилов: "Характер кўрсатдик"

Ўзбекистон кубоги нимчорак финалида "Локомотив" пойтахтнинг яна бир клуби "Бунёдкор"ни мусобақадан чиқариб юборди.

Пенальтилар сериясида омад "темирйўлчилар"га кулиб боқди. Учрашувдан сўнг жамоа дарвозабони Абдумавлон Абдужалилов фикрларини билдирди.

"Энг муҳими ғалаба қозониб кейинги босқичга йўл олдик. Чунки мана бир неча йилдирки кубок билан нимчорак финалда хайрлашаётгандик. Жамоамиз зарур пайтда характер кўрсатди.

Пенальтилар сериясида руҳий жиҳат ва омад муҳим рол ўйнайди. Сўнгги дақиқаларда бир киши кам бўлиб қолган бўлсакда, якунда ижобий натижага эришдик. Қизил карточка ўйинда бўлиб турадиган ҳолат",- дейди Абдумавлон Абдужалилов.