Абдулла Набиeв: "Бугун жамоамиз ғалаба қозониши шарт"

"Обод"га қарши бўлиб ўтадиган баҳс олдидан "Машъал" футболчиси ва ҳозирда жароҳати боис майдонга туша олмаётган Абдулла Набиeв фикрларини билдириб ўтди.

"Ҳозирда жароҳатимни тиклашга эътибор қаратганман. Ярим йиллик танаффусдан сўнг операцияни ўтказиб олдим. Биринчи даврада жамоага ёрдам бера олмаётганимдан кайфиятим йўқ. Иккинчи давра олдидан машғулотларни бошлашни режалаштирмоқдаман. Тўлиқ соғайиб "Машъал"га ёрдам беришни истайман"

"Бугун жамоамиз қийин учрашувни ўтказади. "Машъал"нинг барча учрашувларини кузатиб бормоқдаман. Ҳозир жамоамиз аҳволи яхши эмас лекин бу вақтинчи ҳолат деб ўйлайман. "Обод"да кучли иштиёқ бор. "Машъал" эса ўз майдонида ўйнайди. Бу ўйинда жамоамизда имконият кўпроқ. Йигитларга омад тилайман", - дейди Абдулла Набиeв.

"Машъал" матбуот хизмати