Аббосбек Файзуллаев ЦСКАга ўтгани ҳақида нималар деди?

"Россиянинг энг совриндор клубларидан бири ЦСКА таркибига келганимдан хурсандман. Умид қиламанки, бу ерда ўзимни кўрсата оламан ва янада яхшироқ ривожланаман.

Менга ўнинчи ҳудудда ўйнаш кўпроқ ёқади, шунингдек, ўнг ва чап қанотда вингер сифатида ўйнай оламан. ЦСКАнинг асосий футболчиси бўлишни истайман ва жамоага барча совринларни ютишида ёрдам бермоқчиман. 

Ҳозирча бу ердан ҳеч ким билан дўстлашмадим. Аммо Бахтиёр Зайнутдинов билан танишман. Тезроқ барча жамоадошларим билан кўришиб, улар билан дўстлашиб олишни хоҳлайман", - деди Файзуллаев.