Аббос Махсталиев: "Очиғи, ғалабадан бошқа йўлимиз йўқ эди"
13 may 2017 14:12
News

Аббос Махсталиев: "Очиғи, ғалабадан бошқа йўлимиз йўқ эди"

Олий лига 10-туридан ўрин олган “Нефтчи” – “Обод” баҳсидан сўнг мезбонлар ярим ҳимоячиси Аббос Махсталиев ўз фикрлари билан ўртоқлашди.

- Оғир ўйин бўлди. Баҳсда ғалаба қозониб навбатдаги очколарга эга чиқишимиз жуда зарур эди. Чунки тезроқ турнир жадвалида ўз ўрнимизни яхшилаб олишимз керак. Ғалабадан хурсандман. “Обод” қисқа узатмалар орқали яхши ўйин ташкил қиладиган жамоа ҳисобланади. Уларга кейинги учрашувларда омад тилайман. Очиғи, бугун ғалабадан бошқа йўлимиз йўқ эди. Шу сабабли, ўз муваффақиятимизга ишонч билан майдонда ҳаракат қилдик, - деди Махсталиев.

“Нефтчи” матбуот хизмати