Аарон Рэмзи: “Ювентус” футболкасида тўп тепиш –шараф”

“Мен ўзимни яхши ҳис қилаяпман. Тикланиш жараёни муваффақиятли амалга ошди. Жамоам учун бор кучимни сарфлаб, ғалабаларига ҳисса қўшишимга ишонаман.

Италия футболида тўп тепиш ва унинг бир қисмига айланишимдан хурсандман.  Ушбу машҳур клуб футболкасида майдонда тўп тепиш мен учун шараф. Жароҳатдан сўнг майдонга қайтиш учун қаттиқ меҳнат қилдим. Умуман олганда ҳозир яхши “форма”даман. Яна бир нечта ўйинларда майдонга чиқсам, идеал ҳолатда бўламан.

Бизда ўз ғояларига эга янги мураббий ишламоқда. Биз унга мослашаяпмиз. Ўйлашимча, жамоа яхши ҳолатда ва мавсум биз учун омадли кечади”, дейди Рэмзи.