93 ва 96-дақиқаларда голлар киритилган Кавказ дербисида дуранг қайд этилди
30 oct 2017 23:46
News

93 ва 96-дақиқаларда голлар киритилган Кавказ дербисида дуранг қайд этилди

Россия чемпионатининг 15-туридан ўрин олган сўнгги учрашуви ҳам ўз якунига етди.

“Ахмат” ва “Анжи” клублари ўртасидаги Кавказ дербисида драматик якун кузатилди. Ўйиндаги ҳар икки гол ҳакам томонидан асосий вақтга қўшиб берилган дақиқаларда, аниқроғи 93 ва 96-дақиқаларда дарвоза тўридан жой олди.

Аввалига мезбонлар 93-дақиқада Анхелнинг бош билан берган зарбаси эвазига ҳисобни очишди. Орадан 3 дақиқа ўтиб, энди Данченконинг стандарт вазиятдан тўп узатишидан сўнг Яковлев бош билан дарвозани ишғол қилди - 1:1.

Бугунги дурангдан сўнг “Ахмат” клуби 18 очко билан турнир жадвалида 10-ўринни эгаллаб турибди. “Анжи” эса 13 очко билан 15-поғонадан жой олган.