“Бунёдкор” кубоги-2015”. "Қалдирғочлар" ғолиб бўлишди
19 jun 2015 14:53
News

“Бунёдкор” кубоги-2015”. "Қалдирғочлар" ғолиб бўлишди

Бугун “Бунёдкор” футбол клубининг 10 йиллигига бағишланган “Бунёдкор” кубоги-2015” турнирининг совриндорлари аниқланди.

Дастлаб бешинчи ўрин учун баҳсда Тошкентнинг "Локомотив" ҳамда Қаршининг "Насаф" жамоаси ёшлари ўзаро беллашдилар. Унда қаршиликлар 4:0 ҳисобида ғалаба қозонишди.

Бронза медаллари учун кечган муросасиз беллашувда эса "Пахтакор" клуби "Навбаҳор"ни 3:2 ҳисобида таслим этди.
Ва ниҳоят, турнир ғолибини аниқлаб берувчи финал баҳсида "Бунёдкор" ҳамда БЎСМ-37 жамоалари ўзаро кураш олиб бордилар. 10 ёшли болакайлар қатнашган ушбу турнирда мезбонлар ғолиб бўлишди. Финал тақдирини ягона гол ҳал этди.

Шундай қилиб, "Бунёдкор" жамоаси турнирнинг олтин медалларини қўлга киритди. Финал учрашувидан сўнг совриндорларни тақдирлаш маросими бўлиб ўтди.

Link :

Source : championat.asia

Receive latest football news directly on your phone. Subscribe for our Telegram channel!

Rating: