5 дақиқага кечикиш 250 евро ... "Реал"да футболчи қилган қоидабузарлиги учун қанча тўлайди?

Манбага кўра, «Реал» ўйинчилари машғулот базасига 45 дақиқа олдин етиб келиши керак. 5 дақиқага кечикиш 250 евро, 15 дақиқага – 500 евро, узоқ муддатли кеч қолиш эса – 1000 евро ва ундан кўпроқ жарима демакдир. Сабабсиз машғулотларни ўтказиб юбориш 3000 еврони ташкил этади. 

Кийим алмаштириш хонаси ҳамда автобусда футболчиларнинг телефони овозсиз режимда бўлиши зарур. Ушбу қоидани илк марта бузган футболчи 250 евро, кейингиси 500-1000 евро миқдорида жарима ҳисобланади. 

Шунингдек, хужжатларда клуб аъзолари Мадридни тарк этадиган бўлишса, бу ҳақда мураббий ҳамда раҳбариятни огоҳлантириши кераклиги кўрсатилган. Интервью ва тижорат масалалари бўйича ҳам «Реал» вакиллари билан келишиб олиш зарур бўлади. Ушбу қоидаларни бузганлар эса 1000 евро жаримага тортилади.