Эшитдик-да! Ўзбекистон терма жамоаси Жаҳон чемпионига қарши ўйнайди
13 jun 14:29
News

Эшитдик-да! Ўзбекистон терма жамоаси Жаҳон чемпионига қарши ўйнайди

Жаҳон чемпионатига йўлланмани қўлга киритган Ўзбекистон терма жамоаси мундиалга пухта тайёргарлик кўришни мақсад қилган.

Ушбу тайёргарлик жараёнида "оқ бўрилар" бир қатор кучли ва дунёнинг топ терма жамоаларига қарши ўртоқлик учрашувларида майдонга тушиши кўзда тутилган.

Championat.asia маълумотларига кўра, Ўзбекистон терма жамоаси октябрь ойидаги ФИФА кунлари доирасида Аргентинага қарши ўртоқлик учрашуви ўтказади. Ўйин Аргентинада бўлиб ўтиши режалаштирилган.

ФИФА эълон қилган тақвимга эътибор қаратсак, ўйин 20-28 октябрь саналари оралиғида ўтади. Маълумот учун, Аргентина амалдаги Жаҳон чемпиони ҳисобланади.