Эшитдик-да! "Насаф"дан кетган Ислом Кенжабоев иккинчи даврада Ўзбекистон чемпиони сафида тўп тепиши мумкин

Бироз олдин "Насаф" таркибида фаолият юритган ярим ҳимоячи Ислом Кенжабоев жамоани тарк этгани ҳақида хабар чиқди. Жароҳатдан сўнг сафга қайтган футболчига бошқа клублардан қизиқишлар борлиги аллақачон маълум эди. Ҳозирча расман тасдиқланмаган бўлса-да, манбаларнинг хабар беришича, Кенжабоев иккинчи даврада Тошкентнинг "Бунёдкор" жамоасига ўтиши мумкин.

Айни пайтда футболчи ва пойтахт клуби ўртасидаги музокаралар якуний босқичга етиб келган ва келишувга эришилиши кутилаяпти.

Эслатиб ўтамиз, Ислом Кенжабоев жорий мавсумда Суперлигада 3 та, Ўзбекистон Кубогида эса 2 та учрашувда майдонга тушган. Таниқли Transfermarkt портали футболчининг трансфер қийматини 300 минг еврога баҳолаган.