"Манчестер Сити" "Барселона" футболчиси учун 100 млн евро тўлашга тайёр

"El Nacional" нашри маълумотига кўра, Манчестер клуби 22 ёшли испаниялик футболчини ёзги трансфер ойнасида сафига қўшиб олмоқчи. "Шаҳарликлар" ўйинчи учун тахминан 100 млн евро тўлашга тайёр. Таъкидлаш жоизки, "Сити" Педрини ёзда клубини ўзгартириши мумкин бўлган Кевин де Брюйнега ўринбосар деб билмоқда. Педрининг ўзи ҳозирча "Барселона"дан кетиш истагини билдирмаяпти.

Педри ушбу мавсум "кўк-анорранглилар" учун Испания чемпионатида 28 та ўйин ўтказиб, 4 та тўп киритди ҳамда 4 та голга ассистентлик қилди.