Расман: Абдуқодир Ҳусанов - "Манчестер Сити" футболчиси!
20 jan 2025 23:02
News

Расман: Абдуқодир Ҳусанов - "Манчестер Сити" футболчиси!

"Манчестер Сити" ниҳоят барча ўзбекистонликлар кутган янгиликни эълон қилди.

"Ланс" собиқ футболчиси, Ўзбекистон терма жамоаси ҳимоячиси Абдуқодир Ҳусанов "Манчестер Сити" футболчиси сифатида эълон қилинди. "Шаҳарликлар" бу маълумотни ўзнинг барча саҳифаларига жойлади. 20 ёшли Ҳусанов "Сити"да 45 рақам остида тўп тепади.

Олган маълумотларимизга кўра, "Манчестер Сити" бу трансфер учун "Ланс"га 45 млн. евро ва бонус сифатида яна 5 млн. евро тўлайди.

Абдуқодир Ҳусанов Манчестер клуби билан 4,5+1 йиллик схемасидаги битимни имзолаган.

Эслатиб ўтамиз, Абдуқодир Ҳусанов Football Group агентлигининг мижози ҳисобланади.