Расман: Ўтган мавсум "Навбаҳор"да ўйнаган ҳимоячи "Қизилқум"га ўтди

Буни Навоий жамоаси матбуот хизмати эълон қилди.

"Янги мавсумга тайёргарликни иккинчи босқичини бошлаган вакилларимиз таркибни кучайтириш мақсадида навбатдаги трансферни амалга оширди. Яъни якунланган мавсумда Наманганнинг "Навбаҳор" клубида тўп тепган маҳоратли ҳимоячи Шаҳбоз Жўрабеков эндиликда "кончилар" шарафини ҳимоя қилади. Футболчи ва клубимиз ўртасида  бир йиллик шартнома имзоланди", – дейилади хабарда.

26 ёшли футболчи ўтган мавсум "Навбаҳор" таркибида 18 та ўйинда қатнашиб, 1 та тўп киритган эди.