Ўзбекистон U-23 – Миср U-23 баҳсида хатога йўл қўйган лайнсмен Ўзбекистон Кубоги ярим финалида ишламайдиган бўлди

"Жорий йилнинг 19 октябрь куни бўлиб ўтиши режалаштирилган ОКМК – "Навбаҳор" баҳсига тайинланган ёрдамчи ҳакам Руслан Серазитдинов кеча, 16 октябрь куни бўлиб ўтган Ўзбекистон U-23 – Миср U-23 баҳсида қилган хатоси туфайли, ярим финал баҳсида ишламайдиган бўлди. Унинг ўрнини учрашув AVAR ҳаками сифатида тайинланган Ришат Нугманов эгаллайди. AVAR ҳаками вазифасини эса бошқа бир ФИФА рефериси Андрей Цапенко бажариши кўзда тутилган", – дейилади расмий хабарда.

Маълумот ўрнида, кеча ҳакамлар бригадаси томонидан Ҳожимат Эркиновнинг ҳаққоний голи офсайд қайд этилган ҳолда ҳисобга олинмаган ва бошқа кўплаб хатоликлар кузатилган эди.

Эслатиб ўтамиз, ОКМК – "Навбаҳор" учрашуви 19 октябрь куни 18:00 да старт олади.