Жозе Моуриньюни 2 та ўйинга четлатишди, мураббий эса бунга ўзгача муносабат билдирди
11 mar 2023 08:15
News

Жозе Моуриньюни 2 та ўйинга четлатишди, мураббий эса бунга ўзгача муносабат билдирди

"Рома" бош мураббийи Жозе Моуринью ҳакамлар билан баҳслашгани учун иккита ўйинга четлатилди.

А Серия доирасида "Кремонезе"га қарши баҳсдаги ҳаракатларидан сўнг (1:2) мураббий чемпионатнинг 2 та ўйинига четлатилди.

У "Сассуоло" ва "Лацио"га қарши ўйинларни ўтказиб юборади.

Ушбу воқеадан сўнг "Рома" клубнинг хеч бир аъзоси ОАВ билан мулоқот қилмаслигини маълум қилди.

Мураббийнинг ўзи эса дисквалификациядан сўнг ижтимоий тармоқдаги саҳифасига ҳибсга олингандаги ҳолатда тургандек сурат жойлаштирди. Ушбу пост реклама характерида бўлганлигига қарамай, итальян ОАВлари расмда Моуринью ҳакамлар қарорига мана шу тарзда муносабат билдирганини айтишмоқда.