Назаров "Бунёдкор"дан кетдими?

Жамоа бош директори Азиз Ҳайдаров ишдан олинганидан кейин бош мураббий Иван Бошкович ҳам жамоада қолмаслигини маълум қилди. Натижада "Бунёдкор"ни БААда ўтадиган ўқув-машғулот йиғинига Ҳикмат Ҳошимов ва Абдуҳамид Қодиров олиб кетди. 

Абу-Дабига йўл олган футболчилар орасида Владимир Назаров кўринмади. Championat.asia журналисти Фахриддин Рўзиевнинг маълум қилишича, 20 ёшли дарвозабон Азиз Ҳайдаров истеъфога чиқарилганидан кейин жамоадан кетиб қолган. У 7 январь куни "Бунёдкор" билан 2024 йилга қадар мўлжалланган шартнома тузган эди. 

Шунингдек, "қалдирғочлар" йиғинида қатнашаётган Шоҳжаҳон Султонмуродов ҳам "Бунёдкор"ни тарк этган.