334 319 аҳолига эга Исландия ўз тарихида илк бор ЖЧ чиптасини қўлга киритди
10 oct 2017 02:10
News

334 319 аҳолига эга Исландия ўз тарихида илк бор ЖЧ чиптасини қўлга киритди

Tags : Исландия ЖЧ 2018 Косово

Камтаргина Исландия терма жамоаси мамлакат футболи тарихида илк маротаба Жаҳон чемпионатининг финал босқичида иштирок этади.

Бундан бир неча дақиқа аввал исландияликлар ўз майдонларида Косово терма жамоасини 2:0 ҳисобида мағлуб этиб, ана шу ҳуқуқни расмийлаштириб олишди.

Исландия терма жамоаси 22 очко билан I гуруҳида биринчи ўринни эгаллади ва тўғридан-тўғри мундиалда қатнашиш имкониятини қўлга киритди. Параллел тарзда ўтган ўйинда меҳмонда Украинани 2:0 ҳисобида мағлуб этган Хорватия иккинчи ўрин соҳиби сифатида плей-оффда курашни давом эттиради.

Эътиборга молик жиҳати шундаки, Исландия давлатида аҳоли сони 334 минг 319 нафарни ташкил қилади.