Темур Кападзе: “Бугун стадионга ташриф буюриб, бизни қўллаб турган мухлисларга раҳмат айтамиз”
01 jun 2022 23:13
News
Темур Кападзе: “Бугун стадионга ташриф буюриб, бизни қўллаб турган мухлисларга раҳмат айтамиз”
Унда бўлажак Олимпиячиларимиз бош мураббийи Темур Кападзе ва Ҳожимат Эркинов иштирок этиб, ғалаба ҳақида ўз фикрлари билан ўртоқлашишди.
“Ўйин қийин бўлишини билар эдик. Биринчи учрашув доим шунақа бўлган. Энг муҳими ғалаба қозондик. Бу билан ҳаммани табриклайман. Ўйин давомида кўп имкониятлар бўлди. Кўп вазиятларда бизга гол етишмади. Туркманистон яхши ҳимоялана олди. Айниқса, уларнинг дарвозабони анча вазиятда аъло даражада ҳаракат қилди”, – дея таассуротлари билан улашди Т.Кападзе.
“Бутун халқимизни ушбу ғалаба билан табриклайман. Туркманистон кучли ҳимояланди, вазиятларимиздан фойдалана олганимизда, йирик ҳисобда ғалаба қозонган бўлар эдик”, – деди Ҳожимат Эркинов.
– Барча жамоаларда биринчи ўйинда кучли ҳаяжон сезилади. Ўйин олдидан уни енгиш учун руҳий ҳолат бўйича кўрсатма берилганмиди?
– Бу нормал ҳолат. Айниқса, ёшларда кўп учраб туради. Бунақа савиядаги мусобақада бу табиий. Кўриб турганингиздек, мухлисларнинг ҳам кўплиги ҳаяжонни кучайтирди. Бугун стадионга ташриф буюриб, бизни қўллаб турган минглаб томошабинларга ўз миннатдорчилигимизни билдирамиз. (Т.Кападзе)

– Жалолиддов жароҳат олиб майдонни тарк этди. Аҳволи қандай?
– Бу жароҳат эмас, чарчоқ аломати деб ўйлаяпмиз. Кўп ҳаракат қилганидан унда томир тортишиш ҳолати кузатилди. Яна бугун шифокорлар билан унинг аҳволини яхшилаб кўриб чиқамиз. (Т.Кападзе)
– Бугун стандарт вазиятлардан фойдаланишда иш юришмади. Кейинги ўйинларгача бу хатолар устида ишланадими?
– Бу борада машғулотларда анча ишлаганмиз. Кўрганингиздек, рақиб жамоа ҳам кучли ҳимоя билан ҳужум ва пасларимизни бартараф этди. Кейинги ўйинларда комбинациялар самарасини беришига ишонаман. (Т.Кападзе)

– Кейинги учрашув ҳақида . . .
– Қатар ва Эроннинг ўйинларини ўрганиб чиқдик. Бу мусобақада кучсиз жамоанинг ўзи бўлмайди. Жамоага бошқа клубдан янги қўшилган йигитлар билан олдинга қўйилган вазифани уддалаймиз.
Similar news
championat.asia
U-23 Осиё Кубоги. Ўзбекистон U-23 терма жамоаси пенальтилар сериясида Хитойдан енгилди ва мусобақа билан хайрлашди
Нани: "Роналдунинг 1000 та гол уриши осон. У бунинг учун керак бўлса энг кучсиз лигага кетади. Унга ҳужжатлаштирилган 1000 та гол керак - Пеле ва Ромарио каби урилган эмас”
Ла Лига. "Реал" ўз майдонида "Леванте"ни ишончли ҳисобда мағлуб этди
Идеал дебют: Кэррикнинг илк ўйинида "Манчестер Юнайтед" "Манчестер Сити"га ҳеч қандай имконият қолдирмади
Comments