Ла Лига. Люк де Йонгнинг голи "Барселона"ни 5-ўринга олиб чиқди
03 jan 2022 03:00
News

Ла Лига. Люк де Йонгнинг голи "Барселона"ни 5-ўринга олиб чиқди

Испания чемпионати 19-туридан ўрин олган "Мальорка" — "Барселона" баҳси бўлиб ўтди.

"Мальорка" – "Барселона" 0:1
"Сон Моиш" стадиони
Гол: 0:1 – 44 де Йонг.

"Мальорка" – Рейна, Маффео, Вальент, Руссо, Коста, Дани Родригес, Батталья (Пратс, 84), Баба (Руис де Галаррета, 61), Ли Кан Ин (Льябрес, 71), Санчес (Жорди Мбоула, 70), Анхель Родригес (Фер Ниньо, 61).

"Барселона" – тер Стеген, Мингеса (Лангле, 76), Пике, Эрик Гарсия, Араухо, де Йонг, Пуч, Нико Гонсалес (Альваро Санс, 71), Жуджла, де Йонг, Ахомаш (Педрола, 80).

Огоҳлантиришлар: Жуджла (79), Коста (83), Пратс (89), Дани Родригес (90), Лангле (90), Вальент (90), Маффео (90).

Mallorca

LaLiga . Round 19

03/01/2022, 01:00

1
:
0

Finished

Barcelona

Luuk de Jong - 44'

Stadium: Visit Mallorca Estadi, 14654 spectators
Referee: Antonio Mateu

45'

90'

61'  Iddrisu Baba (Inigo Ruiz de Galarreta)
61'  Angel Rodriguez (Fer Nino)
70'  Antonio Sanchez (Jordi Mboula)
71'  Kang-In Lee (Javi Llabres)
83'  Jaume Costa
84'  Rodrigo Andres Battaglia (Abdon Prats)
89'  Abdon Prats
90'  Pablo Maffeo
90'  Daniel Rodriguez
90'  Martin Valjent
44'  Luuk de Jong
44'  Oscar Mingueza
71'  Nico Gonzalez (Alvaro Sanz)
76'  Oscar Mingueza (Clement Lenglet)
79'  Ferran Jutgla
80'  Ilias Akhomach (Estanis Pedrola)
90'  Clement Lenglet

Open in Match Center

Ушбу саҳифада учрашувнинг матнли трансляциясини кузатиб боришингиз мумкин бўлди.

ЯНГИЛАШ

Бўлди, ҳакамнинг финал ҳуштаги янгради ва "Барселона" оғир беллашувдаги ўйиндаги ғалабани қўлга киритди.

90+1-дақиқа. Марк Андре тер Штеген хавфли вазиятда жамоасини қутқариб қолди.

89-дақиқа. Огоҳлантириш! Мезбонлар вакили Абдонга сариқ карточка кўрсатилди.

87-дақиқа. "Барса" рақиб дарвозаси олдида хавфли вазият яратишга уринмоқда.

83-дақиқа. Огоҳлантириш! Ҳакам Хауме Костани огоҳлантирди.

79-дақиқа. Огоҳлантириш! Ферран Жуджла сариқ карточка ишлаб олди.

70-дақиқа. Фернандо Ниньо зарба йўллади, аммо тўп йўлига рақиб тўғаноқ бўлди.

68-дақиқа. "Барселона" тўпни назорат қилмоқда.

66-дақиқа. Ли Кан Ин бурчакдан тўпни жарима майдончасига йўллади. Пике уни қайтариб, хавфни бартараф этди.

58-дақиқа. Ахомах узатмани амалга оширди, Пике боши билан зарба йўллашга тайёр эди, бироқ унинг уриниши йўлига тўғаноқ бўлишди.

46-дақиқа. Иккинчи бўлим бошланди! Уни мезбонлар бошлаб беришди.

45-дақиқа. Бўлди, ҳакам биринчи бўлимга бирор дақиқа қўшмасликка қарор қилди. Танаффус!

44-дақиқа. ГООООООЛ! Люк Де Йонг боши билан зарба бериб, ҳисобни очди. Ҳужумчи ахири ниятига етди 0:1.

Ли Кан Иннинг бу сафар йўллаган зарбаси ҳам кучсиз чиқди ва Тер Штегенга муаммо туғдирмади.

42-дақиқа. "Мальорка"нинг тезкор ҳужумини "кўк-анорранглилар" фақатгина фол билан тўхтатиб қола олишди.

40-дақиқа. Эрик Гарсия рақибини қўйиб юборгиси келмади, натижада ҳакам ҳуштак чалиб, ўйин қоидаси бузилганини таъкидлади.

Бу борада ҳам ҳисоб тенглашди 2:2.

37-дақиқа. "Мальорка" яна бурчак зарбаси ишлаб олмоқда.

Ўз навбатида мезбонларнинг ҳужуми ниҳоясига етмай қолди.

35-дақиқа. "Мальорка" вакиллари рақибнинг бу сафарги ҳужумини осонлик билан бартараф этишди.

Дастлабки узатма қайтарилган бўлсада, жарима майдончасига яқин ҳудуддан Идриссу Баба зарба йўллади, кипер ўз ўрнида.

33-дақиқа. Мезбонлар бурчак зарбаси ишлаб олишди.

32-дақиқа. Лининг ўзи зарбани амалга оширди, бироқ тўп "жонли деворга" тегиб қайтди.

31-дақиқа. Ли Кан Ин қўполлик билан йиқитилди. Анча хавфли нуқтадан жарима зарбаси.

29-дақиқа. Хавфли вазият! Ва яна Люк де Йонг. Бу сафар нидерландиялик ҳужумчи чалқанча услубда зарба берди ва тўп энди тўсинга тегиб қайтди.

28-дақиқа. Хавфли вазият! Люк де Йонг ўта қулай имкониятга эга бўлди, бироқ тўп унинг зарбасидан кейин устунга тегиб қайтди.

25-дақиқа. Яна фол, Нико Гонсалес рақибнинг оғига кескин равишда ташланди.

24-дақиқа. Тўпга эгалик қилиш бўйича кўрсаткич 23% - 77%.

23-дақиқа. "Мальорка" тўпни назорат қилишга уринмоқда, мезбонлар секин-аста ҳужумга ўтмоқда.

21-дақиқа. Ахомах жамоасига иккинчи бурчак зарбаси ишлаб берди. Бу сафар ҳам ҳимояланаётганлар осонлик билан хавфни бартараф этишди.

20-дақиқа. Яна фол. Умуман олганда ҳар икки клуб вакиллари ҳам рақиб ҳужумларини тўхтатишда фаол тарзда фоллардан фойдаланишмоқда.

18-дақиқа. Эрик Гарсия тўпга қўшиб Родригеснинг оёғини босиб олди. "Мальорка" футболчиси овози борича бақирди.

17-дақиқа. Жуджла чапдан жарима майдонига кириб борди ва зарба йўллади, бироз ноаниқ.

16-дақиқа. Анхель Родригес тўпни ўзига ўнглаб олаётганида қўл билан ўйнади деб топди ҳакам. "Мальорка" устозининг бунга реакциясини кўриш керак...

15-дақиқа. Ли Кан Инга нисбатан фол ишлатишди, Араухо ноҳақ.

13-дақиқа. Анхель Родригес ўйиндан ташқари ҳолатда қолиб кетгани маълум бўлди ва шу сабабли мезбонлар ҳужуми узилиб қолди.

12-дақиқа. "Мальорка" ҳимоядан чиқиб кетишда муаммоларга дуч келмоқда.

10-дақиқа. Яна Ахомах диққат марказимизда. Ҳозир у Мингеса ҳужумга қўшилгани ва бир ҳимоячини ўзи билан олиб кетганидан фойдаланиб, аниқ ва кучли зарба йўллади, посбон тўпни майдон ташқарисига чиқариб юборди. Бурчак зарбасидан наф чиқмади.

8-дақиқа. Ҳа, азизлар, "Барса"нинг жарима зарбаларини Пике амалга оширадиган кунларни ҳам гувоҳи бўляпмиз... Яқин йилларда ҳам буни тасаввур қилиш бироз мушкул вазифа эди.

7-дақиқа. Мезбонлар дарҳол жавоб қайтаришди. Коста ёш Ахомахни майдонга қулашига сабабчи бўлди.

5-дақиқа. Ахомах тўп учун курашда Антонио Санчесга нисбатан қўпол ўйнади - фол.

3-дақиқа. "Барселона" илк дақиқалардан устунликни ўз томонига оғидиришга уринмоқда.

1-дақиқа. Ўйин бошланди!

Жамоалар саф тортишган ва бир дақиқалик сукут сақланмоқда.

Ҳар икки жамоа асосий таркиб футболчилари майдонга тушиб келишди.