Эшитдик-да! Шота Арвеладзе Англия клуби бош мураббийи бўлиши мумкин
21 nov 2021 17:56
News

Эшитдик-да! Шота Арвеладзе Англия клуби бош мураббийи бўлиши мумкин

"Пахтакор" клуби собиқ устози тез орада Англияда иш бошлаши мумкин.

Championat.asia сайти маълумотига кўра, Шота Арвеладзе Англиянинг "Халл Сити" клуби бош мураббийи бўлиш учун асосий номзодлардан бири ҳисобланади. Грузиялик мутахассис Англияда ишлаш ҳуқуқини берувчи ҳужжатни кутмоқда.

Айни пайтда "Халл Сити" Англия Чемпионшип лигасида (Премьер-лигадан кейингиси) иштирок этмоқда ва 18тур турдан кейин 15 очко тўплаб, 24та клуб орасида 21-ўринда бормоқда.

"Халл Сити"ни 2019 йил ёзидан буён шимолий ирландиялик мураббий Грант Маккан бошқариб бормоқда. Клуб мисрлик бизнесмен Ассем Алламга тегишли ҳисобланади.

Эслатиб ўтамиз, Шота Арвеладзе 2020 йил охирида "Пахтакор"ни тарк этганидан кейин ҳозиргача ҳеч қаерда ишламади.